اصنع استوديوك الخاص / تجاربي في التصوير

بسم الله الرحمن الرحيم
السلام عليكم ورحمة الله وبركاته
!! كيف حالكم وش أخباركم !!
اعذروني عن الانقطاع تعرفون الواحد مع تغير الأجواء ينحاس شوووي .. والله يبعد عنكم الإمراض

اليوم جايب لكم طريقة حلوة في التصوير .. الفكرة شفتها في موضوع في احد المنتديات وأعجبتني طريقة التصوير فيها .. حلووووة ..، وزينة انك تجرب وتتعلم وتستفيد من النتائج
طبعاً انا إلى الآن مابعد وصلت إلى النتائج لكن أبعرض لكم بعض الصور .. ادري بعضها فيها اخطأ وبعضها بايخة .. بس الواحد يتعلم وانا ترى ماجيت من بطن أمي الله يخليها لي اعرف أصور
أهم شيء في التصوير هذا تكون رايق <-- أهم نقطة ترى
مميزاتها
1 - تعطيك خلفية حلوة للشكل المصور
2 - تنمي قدراتك التصويرية والفنية
3 - إذا نجح تصويرك تحس انك خطير مثلي
اسم التصوير هذا : تصوير إعلاني <-- انا اللي مسمية

المواد اللي تحتاجها
1 - لمبة
2 - فلين عدد : 2
3 - يفضل ان يكون لديك حامل كاميرا
4 - مشرط <-- عاد هذا انا اسمية مدري وش تسمونه .. عشان تقصقصون الفلين

هذي صورة المعمل حقي ..

طبعاً مهب شرط انك تسوي مثل الشكل حقي لأنة محيوس بالحيل <--- دليل أني منب بنت
لو أنها بنت تسان تشوف الفلين أزين من الغرفة حقتها من الترتيب

عيوبها
1 - خساير <--- لي أسبوعين وانا مصادق حقين ابو ريالين أجرب واحوس
2 - يمكن أول تجربة لك تحطمك بس لا تتحطم
3 - ودي أتفلسف عليكم بس خلاص انتهت عيوبها

تحذيرات مهمه جداً جداً
1 - إذا كنت ناوي تولع في الشمعات لازم تكون النوافذ مفتوحة <-- مدري من وين جتني كلمة نوافذ هههههههه
2 - إذا ولعت فيها وفتحت النوافذ لا يصير أخوك نايم عندك <-- ترى ما سواها بريء
وش أسمة <--- نسى التحذيرات هههههههههههههههههه

المهم أخليكم مع التجارب

انتبه إذا ولعت في الشمعة لا تحاول تقرب الكاميرة لم الشمعة ثم تموع ( تسيح ) العدسة

أحياناً أنسى اضبط الخيارات واصوور مثل ذي

هذي وانا اضبط فيها كانت كبيرة بس يوم رفعتها صغرت مدري ليه

حاول تستفيد من اي شيء في البيت .. يعني عزموك على دونات خذها وسو عليها بعض الحركات وتطلع لك صورة حلوة .. ترى هي تجيب الخساير .. ترى ذا الحلويات المنطله مدري وش علاقتها في الدونات بس لازم تسوي حركتات عشان تصير حركة <-- أتحداكم تعيدونها عشر مرات

مثلاً : شريت لك عطر وتبي تكشخ وتعلمهم انك شارية وانك خطير تصوره هههههههههههههههههه
ادري ذا الحلاو أشغلكم بس لازم استفيد وأجرب الين تطلع بنتيجة

يالله عاد مدحوا فيني ههههههههههههههههههههههههههههههههههههههه <-- امزح
في اعتقادي الشخصي
ان البنات راح يبدعون في مثل ها التصوير لان عندهم حس وفن وذوق .. إلخ <-- طلع عسكريم مهب تصوير هههههههههه
طبعاً نقدكم وأفكاركم هي المهم لي وإلا الباقي مايهمني
أخيراً : لاحد يجي يقول مسوي فاهم علينا .. ترى انا مثلي مثلكم .. يعني مبتدئ وأجرب