يسرني أن أقدم احساس صورة

من بعد غربة

من بعد غربة
جيتك وكلي محبة
عجزت ألقى في عيونك حنان
كل ما أشوف صد ونسيان
من العيون اللي حبتني
وإلا العيون اللي خانتني

كيف القمر تحزن في ليلة قمرها
وكيف العيون تنسى ليالي سهرها
ليتني ماجيت ولا عن غربتي أقفيت
ما دريت أنه ورى غربتي غربة
وما دريت فيها الآم وأحبه
حسايف .. حسايف
كلمة أحبك
قالتها الشفايف
قلبي تحسّر
على خل جحدني وقصّر
الغربة مكاني .. وهذا زماني
لا هي أول جروحي
ولا هي آخر جروحي
من العيون اللي حبتني
وإلا العيون اللي خانتني
من بعد غربة
جيتك وكلي محبة
...

...

...

البرواز

قلتي لي أنسى
ومن يومها وأنا كل ليلة .. قدامي البرواز
حبر العيون ودمع القلم .. في دفتري
وصورتك .. رغم الألم .. ورغم أنها خذت من أطباعك كثير
وخانت البرواز .. أشوفها في خاطري
حبيبتي مابيدي حيلة
لاصرتي الصورة .. وعيوني البرواز
وشلون ابنسى
اتعبتي الصورة مشاوير
وتعبت انا بلقى لغدرك معاذير
وصورتك اللي سجنت بروازها طول السنين
كانت جسد وبروازها الروح
ويوم أنزعت منها الجسد .. تجرّحت أطرافها
وبجروحها راحت لمين ؟
لبروازها الثاني !!
مسكين .. بيسجنك ويبقى سجين
مسكين
تشبهلك أقداره .. خانته
وصورتك يجي يوم وتخونه
حبيبتي .. أو للأسف حبيبته
لاصرتي الصورة .. وجفونه البرواز
وشلون ينسى ؟!
حبيبتي لجل أنسى جرحك وأستريح .. ببكي
وبعد البكى .. ببكي
وأكيد فيه لحظة بتجي .. وبيجف دمعي
وعندها صورتك اللي في عيوني
بتموت من ظلم العطش ..
بروازها بيصبح نعش
وبتمرني الدمعة الأخيرة .. تاخذ معاها صورتك وتطيح
وكني بالمسافة تطول مابين عيني .. ودمعتي .. وخدي
وكني بقلبي الحاير المسكين
نبضه يقول لا تودع الفرقى .. الدمع مايرقى
وعندها لانزلت الدمعة لمثواها الأخير
وفارقت وجهي
بغمض عيوني .. واكسر البرواز
وأنسى

...

شعر / عبدالرحمن بن مساعد
...